Mazean உதவி வழிகாட்டி

Mazean என்பது லேசர் ஆயுதங்களுடன் கூடிய ரோபோக்கள் மோதும், பல வீரர் முதல்நபர் சுடுதல் விளையாட்டு. மற்ற ரோபோக்களைப் பிரித்துச் சிதறடிப்பதே உங்கள் இலக்கு.

விளையாட்டு முறைகள், ஆயுதங்கள், கருவிகள், மகுடங்கள் ஆகியவை விக்கியில் விளக்கப்பட்டுள்ளன.

எப்படி விளையாடுவது (கணினி)

• நகர WASD அல்லது அம்புக்குறி விசைகள்
• தாவ இடைவெளி
• விரைவோட Shift
• சுட இடது சொடுக்கு அல்லது F
• குறிவைக்க வலது சொடுக்கு அல்லது X
• ஒளிக்குண்டு எறிய Q
• தற்காலிக விசைத்திரையை நிறுவ E
• தாவுதளத்தை வைக்க R

இந்த விசைகள் அனைத்தையும் மாற்றியமைக்கலாம்: Esc அழுத்தி “கட்டுப்பாடுகள்” என்பதைத் தேர்ந்தெடுங்கள்.

எப்படி விளையாடுவது (கைப்பேசி)

• திரையில் உள்ள இயக்குக்குச்சியால் நகருங்கள்
• சுற்றிப் பார்க்கத் தொட்டு இழுங்கள்
• சுட “சுடு” என்பதைத் தொடுங்கள்
• குறிவைக்க “குறி” என்பதைத் தொட்டுப் பிடியுங்கள்
• விரைவோட இயக்குக்குச்சியை முழுவதுமாகத் தள்ளுங்கள்
• குண்டு, விசைத்திரை, தாவுதளச் சின்னங்களைத் தொட்டு அவற்றைப் பயன்படுத்துங்கள்

விளையாட்டு முறைகள்

• அனைவரும் அனைவருக்கும் எதிராக: மற்ற ஒவ்வொரு ரோபோவும் இலக்கு.
• 2 அணிகள், சிவப்புக்கு எதிராக நீலம்: உங்கள் சொந்தப் பக்கத்தைத் தாக்க முடியாது.

ஒவ்வொரு முறையும் பல வரைபடங்களில் ஒன்றில் விளையாடப்படுகிறது; தொடக்கத் திரை எதில் என்று காட்டும்.

ஆயுதங்கள்

தோன்றும்போதோ மீண்டும் தோன்றும்போதோ நீங்கள் தேர்ந்தெடுக்கலாம்:

• ஃபோட்டான், விரைவாகச் சுடும் லேசர் கைத்துப்பாக்கி.
• பட்டகம், அண்மைத் தொலைவு லேசர் சிதறல் துப்பாக்கி.
• கதிர், ஒரே குண்டில் கொல்லும் லேசர் குறிதுப்பாக்கி.
• மினுக்கு, கதிரின் சேதத்தை ஐந்து தானியங்கிக் குண்டுகளாகப் பிரிக்கும் தொடர்சுடல் துப்பாக்கி.
• வளைவு, ஒளியை உங்கள் இலக்கை நோக்கி வளைக்கும் துப்பாக்கி.

குறிவைப்பது உங்கள் சுடலைக் குறுக்குகிறது; பட்டகத்தில் சுடுதொலைவையும் நீட்டுகிறது — ஆனால் உங்களை நடைவேகத்திற்குக் குறைப்பதால், குறிவைத்தபடி விரைவோட முடியாது. கனமான துப்பாக்கிகள் சுமப்பதனாலேயே உங்களைச் சற்று மெதுவாக்கும். ஒவ்வொரு ஆயுதத்தின் சேதம், மீள்நிரப்பல், சுடுதொலைவு, சிதறல் ஆகியவை விக்கியில் உள்ளன.

கருவிகள்

எந்த ஆயுதத்தைத் தேர்ந்தெடுத்திருந்தாலும், ஒவ்வொரு ரோபோவும் இதே மூன்று கருவிகளையே சுமக்கிறது:

• ஒளிக்குண்டு (Q), நீங்கள் குறிவைத்த திசையில் எறியப்படுகிறது. அது துள்ளி, பின் வெடிக்கிறது: வெடிப்பைத் தடையின்றிப் பார்க்கக்கூடிய எவரும் சேதமடைந்து கண்கூசிப் போவார்கள்; சுவருக்கோ விசைத்திரைக்கோ பின்னால் இருப்பவர்களுக்கு ஒன்றும் ஆகாது. அது உங்களையோ உங்கள் அணியையோ காயப்படுத்தாது.
• விசைத்திரை (E), உங்களுக்கு நேர் முன்னால் எழும் தட்டையான தகடு. அது லேசர்களையும் வெடிப்புச் சேதத்தையும் தடுக்கிறது — உங்கள் சொந்தக் குண்டுகளையும் சேர்த்து — அதேநேரம் வீரர்களும் பறக்கும் குண்டுகளும் அதை ஊடுருவிச் செல்கின்றன. அருகில் இருந்து அதை நோக்கிக் குறிவைத்து மீண்டும் E அழுத்தினால் அதை முன்கூட்டியே அகற்றலாம்.
• தாவுதளம் (R), அருகில் நீங்கள் பார்த்துக்கொண்டிருக்கும் கிட்டத்தட்ட தட்டையான மேற்பரப்பில் வைக்கப்படுகிறது. அதன் மீது நிற்பவரைத் தாவலைவிட மிக உயரமாகத் தூக்கியெறிந்து, பிறகு மீள்நிரப்ப சில வினாடிகள் எடுத்துக்கொள்கிறது. எதிரிகளையும் அதுபோலவே தூக்கியெறியும்; எனவே நீங்கள் வைத்த தளம் நீங்களே பரிசளித்த குறுக்குவழி.

மூன்றுமே தத்தம் காத்திருப்பு நேரத்துக்குப் பிறகு திரும்பிவிடும்; எனவே அவற்றை முன்கூட்டியும் அடிக்கடியும் பயன்படுத்துவதில் இழப்பே இல்லை. ஒவ்வொன்றின் சரியான அளவு, எட்டும் தொலைவு, நிலைத்திருக்கும் காலம், காத்திருப்பு நேரம் ஆகியவை விக்கியில் உள்ளன.

மகுடங்கள்

கண்டுபிடித்து எடுக்கக்கூடிய 4 தனித்துவமான மகுடங்கள் உள்ளன:

• வேகம், உங்கள் நகர்வு வேகத்தை அதிகரிக்கும்
• தாவல், உங்கள் தாவல் உயரத்தை அதிகரிக்கும்
• உயிர், உங்களுக்கு ஏற்படும் சேதத்தைப் பாதியாக்கும்
• ஊடுகதிர், சுவர்களுக்கு ஊடே வீரர்களைப் பார்க்க வைக்கும்

ஒரு மகுடம் பத்து நிமிடங்கள், அல்லது நீங்கள் இறக்கும் வரை — எது முந்துகிறதோ அது வரை — நீடிக்கும். கடைசி இரண்டு நிமிடங்கள் திரையின் மேற்பகுதியில் அதன் பெயருக்குப் பக்கத்தில் பின்னோக்கி எண்ணப்படும்.

ஒவ்வொரு மகுடமும் ஒரே நேரத்தில் ஒன்றே ஒன்றுதான்: உயிருடன் உள்ள யாரும் அதை அணியாத நொடியில் பிரமிடுக்குள் புதிதாக ஒன்று வைக்கப்படும். எனவே நீங்கள் இழந்த மகுடம், இன்னொருவர் இதோ கண்டெடுக்கப்போகும் மகுடமே.

எப்படி வெல்வது

தாக்கப்படாமல் இருக்க மறைவுக்குப் பின்னால் இருங்கள். வீழ்த்தும் ஒவ்வொரு எதிரிக்கும் ஒரு புள்ளி கிடைக்கும்.

அரட்டை

அரட்டைக்குச் செல்ல Enter அழுத்தி, உங்கள் செய்தியைத் தட்டச்சு செய்து, அனுப்ப மீண்டும் Enter அழுத்துங்கள். அரட்டையில் தனிப்பட்ட தகவல்களை ஒருபோதும் பகிர வேண்டாம்!